Raipur, Chhattisgarh a traffic police constable hi rinawmna kawng a entirtu tha tak a ni ngei ang. Constable Nilamber Sinha hi Raipur Traffic Police ah hna a thawk a,khawlai ah tu ta nge tih hriat loh pawisa tam tham tak chu a chhar hlauh mai.
Airport ah a duty zawhin a chenna in lam pan a a kir na ah chuan bag hi chhar a ni a, Bag chhung ah chuan eng nge awm chiah tia a han hawn nak chuan pawisa tam tham zet alo awm rui a ni.
Bag chhung a pawisa hi 2000 leh 500 note hlir a ni a, a vaiin cheng nuaih 45 zet a tam a ni. Mitam tak chu nise zan khat thil thu leka hausakpui lawih theihna tur khawp a tam hi an ngawihbo pui thei ngei ang.
Amaherawh chu Nilambar hi chuan eng ang a pawisa tam ah pawh nise a rinawmna hi awlsam takin tihchhiat sak theih a ni ve loh zia a fiah a, pawisa a chhar hi a thup bo hauh lo. Senior Officer te hnen ah thlen in a neitu dik tak zawngchhuak turin Police Station ah a pe a ni.
Chhattisgarh Chief Minister, Bhupesh Baghel pawh in Nilambar rinawmzia a hriatin a chhuanzia a sawi ve hial a, society tan a entawn tur tha tak role model a nih thu a sawi bawk.
Senior officials te chuan Nilambar hi a rinawm em vangin lawmman pek a ni ang tih an puang a, he pawisa tam tham tak neitu hi hriat tumin Civil Lines police te chuan an la zawng mek a ni.
