Mindat peng khalah CDF_Mindat miralṭha rual pawl le Kawl ralkap doawknak hi a dai thei hrih ngaingai lo. Tuisun, June 3, khalah nasa zetin an kapaw sal lala. Kawl ralkap lam amalbik mi 3 an thi ti a si.
Tuizing, vangpawl nazi 5:30 ihsin zinglam nazi 7 tiang Mindat peng ရွှေအောင်သာ phungki tlawng ih ṭanhmun khuartu Kawl ralkap mipum 60 hrawng cu CDF-Mindat miralṭha rual pawlin an va siim i hmun le hmun ah an va kah ciamco. Kawl ralkap lam amalbik mi 3 an thi ih mi 4 in hriamhma an tuar, tiin မင်းတပ်မြို့ပြည်သူ့အုပ်ချုပ်ရေး သတင်းအဖွဲ့ cun an tarlang.
Tuizing an kahawknak Mindat peng ရွှေအောင်သာ khua hi Magwe ramṭhen le Chin ramkulh ramri ih ummi a si. Kawl ralkap pawl hi mizan khawthim zawngah khan Magwe ramṭhen ihsin Chin ramkulh sungih hung luttu ရွှေအောင်သာ phungki tlawngih ṭanhmun khuar an si.
မင်းတပ်မြို့ပြည်သူ့အုပ်ချုပ်ရေးအဖွဲ့ ih tarlang dan vek asile, Kawl ralkap lam hi mi 3 ihsin 7 karlak hrawng an thi ti a si. CDF-Mindat lam ihsin hriamhma tuar le nunnak liam zohman an umlo thu khal theih a si. Tufang Chin ramkulh le Magwe ramṭhen ramri tluan ih ummi khua pawl ah Kawl ralkap in ṭanhmun an khuar rero, CDF-Mindat lam khalin kutbawm in an zoh men hmel lo nasa.
Kawl ralkap lam khal timtuah in an ready cia ṭhepṭhep, CDF-Mindat lam khalin can remcang an bawh rero ve. Tuizing an doawknak ah CDF-Mindat lam Pathian kilvennak zarah zohman nunnak liam le hriamtuar an umlo ih lungawi um nasa. – Chin Net youtube ih tisuahmi Ca ih siar duhtu hrang kan post mi a si.
– Chin Net