Rapper, Cardi B leh a pasal Offset te hian an fate thil man to leh changkang tak tak leisak vel nuam an ti hle a, sum leh pai ah buaina tur an nei lo bawk a, a hmanral lam kawng ah pawh an tim lo dun khawp mai.
WAP hitmaker leh Migos member te hian an fa upa zawk an fanu duat Kulture piancham an lawmsak a, Atlanta a Candytopia exhibit ah chhungkua in a kum 4 tlin lawmna hi an hmang.
An fanu kum 4 lek hnen ah hian piancham lawmpui nan US$50,000 (£42,073) zet a tam chu a pawisa faiin an pe hmiah. Offset hian Instagram ah SUV dum a a fanu Kulture chuanglai leh a pawisa tam tham zet mai a keng lai hi a post a ni.
Cardi leh Offset te hian nikum a Kulture kum 3 tlinna ah khan US$48,000 (£34,778) vel man Hermès Birkin handbag an lo pe tawh a, a kum hnih tlinna pual in a pa Offset hnen atang in Birkin bag bawk a dawng.
Thil man to tak tak an fanu hnen a an pek fo thin chungchang ah hian fans te zingah lo helh fe fe tu pawh an tam a, an fanu hian Designer bag man to tak tak chu engvak ah a tangkai pui loh thu leh heng ai chuan a kum rualpui lawm zawng tur ang ngaihtuah sak zawk turin thurawn an pe hial a ni.
Tunhnai a Vogue Singapore hnen a Interview a neihna ah Cardi B chuan a fanu Kulture tan hian nau awmtu tumah a lakloh thu a sawi. A fanu enkawl tur in amah lo midang a rinloh thu leh nauawmtu lak lam engmah a ngaihtuah lo tih a hrilh.
Tunah hian Cardi B leh Offset hian fa pahnih an nei mek a. Offset hian a kawppui hmasa hmeichhe dang 3 te lakah fa 3 a nei bawk a ni.
