Thawhlehni liam ta khan Tishomingo, Oklahoma a Car chetsualna thleng ah tleirawl kum la naupang tak tak 6 ten nunna an chan tih hriat ani a. Tleirawl te chuanna car hi U.S. Highway 377 leh State Highway 22 ah semi-truck nen an insu a, vanduaina rapthlak hi a thleng ani.
Heng tleirawlna te chuanna hi 2015 Chevy Spark a ni a, chetsualna thlen hun hi 12.19pm bawr vel niin an chuanna car hi a chhe hneh hle a, an insutna atanga 300ft ah a thlawh dawr thei. En mai pawh in damkhawchhuahna chi reng a nilo bawk.
A tirah nunna chan te hi tu te nge an ni tih hriat a nilo. Mahsela a hnu deuh lawk ah thuneitu te lam chuan mithi te hi Gracie Machado, Brooklyn Triplett, Austin Holt, Madison Robertson, Addison Gratz leh Memory Wilson an nih thu sawiin an hming an rawn puangzar.
2015 Chevy Spark khalh tu hi tleirawl hi kum 16 lek a ni a. Midang 3 hi kum 15 upa leh passengers 2 te hi kum 17 mi te an ni. Tarlan danin semi-truck nen an insut lai hian driver leh a hmalam a chuang te chauh in seatbelts an hreng bawk.
Truck khalh tu hi Valendon Burton, 51 ani. Vanneihthlak tak in ani erawh nunna a chan lo thung a, thil thlen lai hian seatbelt a hreng a, a lakah thubuai engmah ziahluh a nilo bawk. Accident thleng ah hian investigation neih nghal ani.
District’s superintendent chuan nunna chan tleirawl 6 te hi Tishomingo Public School a kal an ni tih a tarlang. Mi 4 te hi a hmun ah ka pawh chhawn loh in an boral nghal a, midang 2 te erawh damdawiin panpui hnu lawk ah an thi ve leh.
Social Media ah heng tleirawl nunna chan ta te pual hian sunna hmang in mitam takin an chhungte an tawrhpui zia an tarlang nasa a, Country singer Blake Shelton pawh in vanduaina tawka nunna chan tleirawl te sunna hi a tarlang ve bawk.
