Russia leh Ukraine inkara buaina chuan khawvel media hrang hrang a luah khat hneh khawp mai. Ram 2 te inkara indona chhuak hi engtik ah nge a tawp dawn tih pawh hriat a nilo a. Hetia Russia leh Ukraine indo mek lai hian Bulgarian pitar mitdel, hma hun lo thleng tur hrilhlawk thei deuh ‘Nostradamus of the Balkans.’ an tih Baba Vanga thusawi chuan ngaihven a hlawh thar.
Baba Vanga hian indona chhuah hma daih tawh ah Russia ram hmabak leh an tawn tur thil alo hrilhlawk diam tawh a, MailOnline in an rawn chhuah ah writer pakhat Valentin Sidorov hnen ah Russia in khawvel awp a rorel in ‘lord of the world’ an nih tur thu a sawi ani.
Russia ten khawvel a ro an rel hnu ah mitam takin an tuar phah ang a, engthil mah in Russia hi a dal thei thei lo a, do zawh rual an ni dawn lo, an ropui hle ang a ti bawk. Europe khawmual te chu ramruak ah a chang ang. Vur ang maia tuiin mi pakhat erawh tihchhiat theih a ni dawn lo a ti. Baba Vanga hian a hma in 9/11 terror attacks leh Brexit a hrilhlawk te pawh a thleng dik tawh a. Ringlo tam tak an awm karah ring pawl pawh an awm nual a ni.
Kum 1911 ah Baba Vanga hi piangin, kum 12 a nih in thlipui rapthlak leh na takin a nuai chiam a, a mit in khaw hmu thei lo in a del zui. Heta tang hian thiltihtheihna danglam bik, hma hun a thil lo thleng tur hrilhlawk theihna mak tak a nei ta niin a sawi ani.
Baba Vanga hi 1996 khan kum 85 a upa in a thi a. kum 5079 thleng a khawvel awmdan tur hrilh lawk in, hemi kum zawh ah hi chuan khawvel hi awm tawh lovin tawp tawh turin a sawi bawk. A hrilhlawkna hi amah ringtu te chuan 85 per cent zet a thlendik thu an sawi.
A hrilhlawkna dang zingah ISIS ral an rawn lian tur te, America’s 44th president tur chu African-American a nih tur te a sawilawk. Heng hma hun awm tur a sawi te hi a dik a awm nual vang hian kum tin a hrilhlawkna te hian bengkhawn a hlawh em em thin.
