Kum 13 chhung zet a nun khuah khirh sak a ni a,tun ah erawh a zalen ve tawh. Pop Princess, Britney Spear (kum 40) chuan a hun kal tawh lama a nun buai leh hnawk tak te chu theihnghilh in nun pangngai leh thlakhlelhawm zawk nei turin a rilru a siam.
A pasal hual Sam Asghari kum 28 tlinna pualin Britney Spears hian piancham lawmpuina a post. Hetah hian chhungkaw din a duh zia a sawichhuak.
“Ka pasal hual, piancham chibai le. Ka hmangaih tak zet che a, nang nena chhungkaw din hi ka duh ani. Nang nen chauh” tiin hmangaih biahthu a hlan ani. Britney hian a pasal hmasa Kevin Federline lakah fapa 2 Sean Preston, 16 leh Jayden, 15 te a nei tawh a, a fapa te pawh an tlangval ve lek lek tawh.
Britney hi hriat theuh angin a lar chhoh vanglai takin a nun khuah khirh sak a tawk a. A pa ngeiin a nun ah thuneihna pumhlum a neih sak. He dan hnuai ah hian a rosum leh a in leh lo chenin engmah a thuhnuai ah a awm lo a. Hei mai bakah pasal leh fa a neih ve pawh thiang lovin a fapa te ngei thlengin a lak atang in lak hran an ni bawk.
Kum 13 zet hringnun hrehawm taka a awm hnu ah a mimal dikna chanvo hum him tum in a pa hi a khing let a, nikum khan a zalen ve ta chauh. Dan hmanga inbeihna an neih lai pawh in tuna a pasal hual Sam Asghari hi a kiang ah a awm a, Britney a thlawp zia nasa takin Social Media hmang ten a auchhuahpui ve bawk.
