A bialnu laka rapthlak taka a chet vangin chawp leh chilh in a hremna a tuar zui phah nghal a, a sual man a hmu chiang hle.
Rugby star hlawhtling tak thin Ricky Bibey chu Florence, Italy a Hotel pakhat ah a bialnu Jennie Platt nen an innghat a, Hotel ah hian Ricky Bibey chuan Jennie hi kutthlak in a sawisa chiam tih hriat a ni.
Jennie Platt hian a kawppui lak atanga kutthlak leh sawisak a tawhna lam ah hian hliam na tak a tuar a, mahse dim dawina tel leklo a Ricky Bibey a chet lai hian thil mak tak a rawn thleng.
A kawppui kut a thlak lai mek chuan lungphu chawl in a awm thut a, Jennie Platt hian kut a tawrhna lama hliam tuar leh thisen chhuak chungin tanpui tu tur a zawngkual. Tanpui tu tur te an va thlen meuh chuan Bibey hi Hotel chhuatah alo let reng tawh a, a ruang endik a nih hnu ah heart attack a boral ngei a ni tih an chian bawk.
Tarlan danin Bibey hian a bialnu kut a thlak hma lawk hian ruihhlo a khawih niin an sawi. Jennie Platt hian operation 3 lai a hmachhawn a ngaih phah hial a, heti khawpa ti hrehawmtu a bialpa chunga thleng hi a tan erawh hnara hlit phawi ang hluai tur a ni ngei ang.
Jennie hi damdawiin a enkawlna a dawn hnu ah dam takin Hospital a chhuahsan tawh a, a dinhmun pawh tha chho zelin treatment la chhunzawm turin thurawn an pe bawk.
