Hetiang thil thleng hi hriat tur a khat ṭhin hle. Brazil ram Sao Paulo ami mipa naupang chuan serh (sazu) pahnih a neih thu hriat ani.
Federal University of Sao Paulo a Doctor te chuan serh pahnih nei mipa naupang hi operation hmachhawn tura tiin a sazu pakhat zawk chu tan a nuaibo sak turin an ti a, a tirah tak phei chuan a sazu te zawk chu paih turin ruahmanna an siam.
Mahsela mipa naupang hringtu nu chuan a fapa hi a sazu pakhat atang in a zun thin thu sawiin, hemi hnu hian paih tura ruahman na an siam zawk chu an sut leh ta ani.
Examination neihna aṭang pawh in a sazu pakhat zawk hian a hnathawh tur ang a thawk ṭha thei lo tih an hmuchhuak bawk a, a chhan chu a zungkawng hi a zim hle an ti.
Journal of Pediatric Urology ten an tarlan ah mipa naupang hi kum 2 a nih ah chiah engvanga operation hi ruahman a nih chungchang ah surgeon ten a chhan an sawi hran lo. Mipa naupang chunga thleng ang hi khawvel ah pawh hriattur a vang hle.
Marcela Leal da Cruz leh a thawhpui te chuan heng hi diphallia tiin an sawi. Vawi 100 vel chu awm tawh in hetiang case hmasa ber hriattheih chu 1906 daih khan a ni nghe nghe.
Mi thiam zawk te chuan naute mipa piangchhuak maktaduai 5 leh maktaduai 6 zelah pakhat vel angah chauh thleng thei in an sawi a, a chhan kimchang hi hriatchian theih nilo mahse nu pumchhung nau insiam atanga felhlel leh diklo ani.
Thla kalta mai pawh khan MailOnline ten Uzbekistani ah mipa serh (sazu) pahnih neia piangchhuak a awm tih an dawng a. Tashkent a cheng ani. Taksa lama harsatna nei lo in kum 7 chhung a awm tawh a, a ni erawh hi chu Brazilian mi ang lo takin a serh pahnih te hi a function ve ve ani.
