Hollywood actor, Brad Pitt hi a nupui Angelina Jolie nen an inthen atangin hmeichhe hrang hrang sawizawm a hlawh nual tawh a, mahse pangngai taka a kawppui a sawi theih erawh a nei meuh lo thung.
Report thar berin a tarlan danin kum 59 a upa Brad Pitt hian Paul Wesley kawppui hlui Ines de Ramon (kum 29) a date mek tih puan a ni a, an inkar hi Pitt a’n kum 59 a tlinna a lawm hnu ah official taka tihchian a ni tih an sawi.
Brad Pitt hian party a buatsaih ah Ines de Ramon nen hian an hlimdun hle a, an inkar pawh a tluang chho in hmangaihna bul tan tir mai la ni mahse an inthlahlel dun hle niin US Weekly chuan a tarlang bawk.
MailOnline in thu a dawnna ah thla hmasa mai a Bono concert ah pawh Pitt leh Ines te hi an inzuichhuak a. People magazine pawh in Ines lakah hian Brad Pitt hi a luangliam nasa tawh hle a, an pahnih hian thiante kaltlanga inhmelhriat chho niin Ines hi a tana khuanu ruat niin a ngai a ni an ti nghe nghe.
Paul Wesley leh Ines te hi 2019 ah ceremony mawlmang takin inneihna an buatsaih a, mahse September ah an inthen thu hriat a ni.Ines hi New Jersey lam mi a nia University of Geneva atanga graduat in business administration ah bachelor degree a nei.
