KNU tatmaha 5 sungah thazang a bettu ralkap le BGF cu August 19 zaan ah KNDO thawn an kap aw ih, ralkap le BGF cu anmahlemah RPG ih an kahawk ruangah mi 23 lenglo an thi tiah KNDO hnen ihsin theih a si.
“Zaan doawknak ah ralkap lam Company hotu telin mi 23 lenglo an thi, ralkap le BGF cu anmahlemah RPG ih an kahawk sual ruangah doawknak a hmun rori ah an ruak cu a pungkhawm si ko” tiah KNDO sungtel pakhat in a sim.
Ralkap lam cun KNU tatmaha 5 leiram an nor ruangah August 14 – 17 sungah KNLA thawn doawknak a um ih ralkap lam mi 8 an rak thi dah zo.
August 18 ah ညာပဃူကျိုး hmainawr sakhan ihsin ralkap 2 cu Thailand ram ah an tlan ih Thailand ralkap cun ralkap council hnenah an apsal thu သူမွဲထာ khuami pawl hnen ihsin theih a si.
