Khawvel huap a Luxury fashion brand lar leh hriat hlawh em em Balenciaga chuan thawm nei zui hat thei tur khawp a dangdai Product an rawn nei leh ta a, bawlhhlawh paihna Garbage bag (Trash Pouch) man to an rawn tlangzarh.
He Garbage bag an launch thar hi an ram pawisa a $1800 man tur vel niin India pawisa chuan Rs 1,42,652 man vel zet a ni dawn a ni. Khawvel a bawlhhlawh paihna Bag man to ber a ni nghal hmiah bawk.
March thla a Paris khawpui a Fall 2022 ready-to-wear collection ah khan an phochhuak tawh a, New York Post in a tarlan danin calfskin leather te he Bag siam nan hian hman a ni a, chuvangin a man a tlawm thei lo.
Thla hnih liam ta mai khan Balenciaga hian pheikhawk tet/thler chhe vek, bun tlak loh tur khawp a chhia tih theih tur ang chi an tlangzarh vangin an lar hluai tawh a, Internet leh Social Media ah sawizui an hlawh nasa viau bawk.
Tuna an Bag thar hi zawng bawlhhlawh paih Motor a vawm chhoh ve tawp chi zawng a ni dawn lo tawp mai.
