Sagaing ramțhen Ayadaw – Monywa lamzin Aungthargone khua pialnak kiangah ralkap motor 3 cu November 9 zaanlam suimilam 3:20 ah bomb thawn an do thu သပြေညို ပြောက်ကျား sungtel pakhat in simnak a nei.
“Bomb 3 thawn kan do, cuihleiah lai meithal tumpi pawl kathum nei (ပြောင်း သုံးပြောင်း) thawn kan kap, tuihlan ih ralkap ei-in phur motor bomb thawn donak hmun ihsin peng khat tluk hlatnak ah a si, Ayadaw peng sung a si” tiah a sim.
Hi doawknak ah ralkap a malbik 5 an thi ih, mi 10 hrawng hriamhma nasazet an ngah timi khal a sim bet.
Ralkap motor bomb thawn dotu tualsung hriamkai pawl cu Knights Of The Red Land( KORL) ih hohanak in သပြေညို ပြောက်ကျားတပ်ဖွဲ့၊ People’s Guerillas Commando – Myinmu, Ayardaw Bone Naing PDF (A.B.N – PDF ), တမန်တော် ပြောက်ကျားတပ်ဖွဲ့ le Ayardaw Falcon Force ( AF2 ) țangkop an si thu theih a si.
November 5 khalah Ayadaw khawpi ihsin Monywa khawpi lam pan ih ralkap ei-in phurtu motor pakhat cu tualsung hriamkai pawlin an rak do tiah theih a si.
