Sagaing ramțhen Monywa peng Ayadaw – Monywa lamzin Yinanbo khua le Tharsii khua karlak ah ralkap pawl cun bomb thianfainak an tuah rero laifang ah bomb 4 a puak ih ralkap 4 an ti tiah Tapyingui Piohcia Group (သပြေညို ပြောက်ကျားအဖွဲ့) hnen ihsin theih a si.
November 12 ih bomb puaknak hmun pawl ah ralkap 40 hrawng cu November 13 zinglam suimilam 10:45 ih bomb thianfainak an tuah rero laifang ah bomb puakmi a si.
“Hriamhma ngahtu mi 10 hrawng an um ding tiah kan zum, bomb 10 cu hmunhnih ah kan kam ih hmunkhat ih kammi bomb 6 lawng kan puakter, a tangmi bomb 4 cu thianfainak an tuah laifang ah a puak” tiah Tapyingui Piohcia Group (သပြေညိုပြောက်ကျားတပ်ဖွဲ့) sungtel pakhat in a sim.
Hi doawknak tuahtu pawl cu People’s Guerillas Commando – Myinmu, သပြေညို ပြောက်ကျားတပ်ဖွဲ့၊ Ayardaw Bone Naing PDF (ABN – PDF)၊ တမန်တော် ပြောက်ကျား တပ်ဖွဲ့၊ Ayardaw Falcon Force ( AF2) le Knights Of The Red Land (KORL) țangkhawm an si.
November 12 zaanlam suimilam 1:30 hrawng khalah palik pawlih tomi private motor pakhat cu Monywa Lightning- PDF cun bomb thawn an do ih Sakhanhmu a thi tiah MLPDF cun thuthannak an nei
