August thla sungah Myanmar ram pumhuap in hriamhrei hmangih doawknak țum 443 a um ih ralkap 580 an thi tiah NUG ih Ministry Of Defense in September 6 ah thuthannak an nei.
Doawknak ruangih ralkap 580 an thih hleiah mi 189 hriamhma an ngah ih mipi lam ihsin mi 73 an thi, mi 45 hriamhma an ngah tiah NUG ih thuthannak ahcun an tarlang.
August thla sungah ralkap in mipi pawl an siatsuahnak vei 129, ralkap ih tefa pawl tuahmawhnak vei 74, hriamhrei kai ih doawknak vei 81, hriamhrei kai ih humawknak vei 57, bomb puak vei 94 le ralkap veve kahawknak vei 8 a um tiah an sim.
Thilcangmi cu Sagaing ramțhen sungah a tam bik ih Kachin, Shan, Kaya, Karen le Chin ramkulh telin Yangon, Mandalay, Mague ramțhen pawl khalah țum tampi a um.
Sagaing ramțhen sungah hin ရွှေဘို၊ တန့်ဆည်၊ ရေဦး၊ ခင်ဦး၊ ယင်းမာပင်၊ ကနီ၊ မုံရွာ၊ ပုလဲ peng pawl cu ralkap in rampi thuneihnak an lak hnu minung tampi duhphorhnak hmun a si. Duhphorhnak tuahtu pawl ralkap in meithal thawi an țhekdarh hnuah tualsung hriamkai PDF din in an neih thilri thawn ralkap council an do tikah kahawknak tampi a suak tiah tualsungmi pawlin an sim.
ကချင်၊ ကယား၊ ကရင်၊ ချင်း le ရှမ်း ramkulh pawl ahcun tualsung hriamkai hleiah tlangpar hriamkai thawn ralkap karlak doawknak a um hleiah ပြောက်ကျား hmangih doawknak khal a um ruangah ralkap lam in an tuar zet tiah tualsungmi pawlin an sim.
NUG ih thuthanmi pawl cu ramsung Media 30 ih suahmi thuthang pawl sirhsan in khawlkhawmmi a siih, hmunram thilthlengmi hi atu thuthanmi hnakin a tam sawn thei tiah NUG cun thuthannak ah an tarlang.
