Kan ram thenawm lawk Assam chuan tuilian vangin harsatna nasa tak an tawk mek a, mitam takin an chenna in pawh luah thei lo in tuilian hian a tihchhiatsak a ni.
Assam tuilian tuar mek mangang tak a awm te tanpui turin Bollywood star, Aamir Khan chu penchhuak in CM Relief Fund ah cheng nuai 25 zet a tam a chhung lut ani.
Aamir Khan thilpek chungchang hi State Chief Minister, Himanta Biswa Sarma chuan Twitter ah tarlangin tuilian tuar tu mipui tam tak te tawrhna hriatpui a, a thil phalna vangin Aamir Khan hnen ah lawmthu a hrilh bawk.
Tuilian tuar te tanpuina pe tu zingah hian Aamir Khan bakah Arjun Kapoor, singer Sonu Nigam leh producer Bhushan Kumar te an tel bawk. Sonu Nigam hian cheng nuai 5 pe in Bhushan Kumar hian cheng nuai 11 lai CM Relief Fund ah hian a chhunglut bawk a ni.
News agency PTI in a tarlan danin mi nuai 21 zet tuilian hian a tibuai mek a, tuilian vanga nunna chan zat hi hriat theih chin ah mi 134 lai an tling tawh tih Assam State Disaster Management Authority (ASDMA) chuan a puang.
Khaw 2,000 ai a tam in tuilian hi an tuar a, mi 1,91,194 lai te chu tawmhimna tur ngaihtuah in relief camps 538 ah thiarchhuah an ni tawh a ni.
