Film icon leh California governor hial lo ni tawh Arnold Schwarzenegger chuan Ukraine-Russia indona chungchang ah a tawngchhuak a, Russian President Vladimir Putin chu kam khat in he indona awmze neilo hi titawp turin a hriattir bawk.
Arnold chuan Russia hruaitu pa Putin hian a ropuina tur a um vangin a sipai te nunna a hlan thu a sawi. Schwarzenegger hi Russia ah a tla na hle a, western actor zing a Moscow khawpui a film siam thei hmasa ber ani. President of Russia Twitter account in account 22 a follow zingah Arnold hi a langtel ve nghe nghe.
Video kaltlanga thu a sawi ah hian Russia mi leh sa te a ngaihsan ruk zia leh a naupan deuh lai a Russian heavyweight lifter Yuri Petrovich Vlasov chu a entawn thin a nih thu te a puang. He indona chhuak hi Russia mipui te thiam loh a nilo. Russian government hian an khua leh tui te chauh dawt an hrilh lo a, an sipai te ngei pawh dawt an hrilh a, tihluihna hmanga indona a tel tir an ni a ti.
Arnold Schwarzenegger hian Putin hnen ah indona chu hmet mit turin a hriattir. “In leh building chhe kara naute an la chhuak ka hmuh khan world war 2 hmu in ka inhre ber. A rapthlak ani. President Putin, he indona hi i bultan a ni a, he indona a meizang hlap tu ber i ni. Indona titawp thei tu i ni bawk” a ti.
Russia mupui te zinga indona duh lo a protest nei tu te chu huaisen a tih zia sawiin a fak hle a, a hero te an nih thu a hrilh. “Khawvel hian in huaisenna a hmu. In huansenna inlantir na vanga a hnu leh intawn buak man, jail tan leh kutthlak in tawrh zawng zawng kan hria e. Nang ni hi ka hero thar te in ni” tiin a sawi ani.
