World Cup a Aegentina ram in hnehna an chan hnu ah Argentina goalkeeper Emi Martinez chetdan chuan Internet ah ngaih theih loh a hlawh hle a, penalty hmanga an tlawm tak France team lam te a deu zui dan chuan boruak a siam nasa viau.
French FA chuan Argentina goalkeeper Emi Martinez an France hero Kylian Mbappe laka deusawhna leh diriamna a tihlan ah dan ang takin thubuai thlenin an siam dawn tih an puang.
Mbappe hian World Cup ah khan ram tan hat-trick a siam a,Golden Boot a dawng. Emiliano Martinez chuan Buenos Aires a hnehna an chan lawmna parade ah Mbappe hmel lanna naute lem chu langsar takin a pawm chhuak.
Tun hi a vawikhatna a ni lo a, hnehna ah chan zawh in dressing room ah Paris Saint-Germain star nuihsawh zawng hian alo che tawh bawk. Hei hian French Football Federation (FFF) te chu a ti lungawilo hle.
FFF president Noel Le Graet chuan dan ang takin hma an la dawn a, thil thleng hian mi a thawng in sports competition a thil nihdan pangngai lo tak a ni a ti. Hriatthiam harsa tak a ni a,Mbappe nungchang chu entawntlak a nih thu in a fak bawk. Argentine Football Association te hnen ah formal letter a ziak tih a sawi.
Martinez hi Golden Glove trophy hlan tuma a celebrate dan uchuak tak te khan midang ngeng a chhunsak a, French politician te phei chuan FIFA hnen ah he chawimawina hi laklet sak turin an ngen hial a ni.
