Karnataka a Dakshina Kannada district ah chuan mihring damlai nilo mitthi tawh te pual a inneihna hun buatsaih a ni a, nausen lai a boral tawh pahnih te chu an thih atang a kum 30 zet a liam hnu ah inneihna hun hman a ni.
Heng ang thih tawh hnu a inneihna hi ‘Pretha Kalyanam,’ tia koh niin dan inhlan chhawng thil a nia, Karnataka leh Kerala hmun thenkhat ah te khuan tun thleng a hman thin ala ni.
Tet laia boral te pualin an hmang thin a, a innei a te aiawh turin an lem siam chawp hman thin a ni. Saptapadhi te pawh hmanpui vekin vawi 7 lai helpui an ni a Kanyadaan leh Mangalsutra ritual thleng in an ti vek bawk.
Hetiang a an tih hian inneihna an hman mek boral tawh te thlarau hian thlamuanna nei in hlim takin an awm ve thei tawh dawn niin an ring. Inneihna a telpui tur hian naupang leh nupui/pasal la neilo te tan erawh tel phalsak an ni velo thung.
Sakhaw serh leh puithu taka hun an hman zawh hnu ah hian ei leh in buatsaih in a chhunzawm leh thin a ni. Inneihna danglam tak zawng a ni e.
