Pawisawi lo mi tam takin an nunna hlu tak an chan tawh a. A then te chu kum la naupang tak tak, hma hun eng tak tak nei leh ram tana mi chhuanawm la ni tur te an ni a sin.
Ukraine hmeichhe naupang kum 11 lek a upa Kateryna Diachenko hi gymnastics star a ni a, a kum rualpui zingah rhythmic gymnast ah chuan thiam ber pawl tih ngam niin medal tam tak a hui nual tawh.
Hma hun eng tak a nei a, a theihna hmanga an ram la ti hmingtha tu tur a nih laiin Russian sipai te kutah a nunna a chan tih an puang. Kateryna Diachenko hi Russia ten Missile hmanga an chenna hmun Mariupol an beihna ah a thi ani.
Kateryna Diachenko hi Putin mi leh sa te kuta thi zinga langsar taka hriat theih hnuhnung ber ala ni rih. Kateryna Diachenko thihna hi a coach Anastasia Meshchanenkov pawh in hriatthiam har a ti a, a rilru a tina hle bawk. He hmeichhe naupang hian engmah tihsual a nei lo a sin tiin indona a tel Russia sipai te chuan an nunrawnna vangim hremna an hmuh let ngei tur thu a sawi hial.
South-eastern Ukraine khawpui Mariupol hi Russian forces ten an hual bet hneh tawh viau a, Mariupol ah hian indona chhuah hma khan mihring cheng 500,000 vel dawn an awm. Russia sipai te an insawhnghet in ralthuam hmangin hmun tam tak tichhia in airstrikes ani bawk.
Local officials te tarlan danin March 16 khan mi 300 vel zetin nunna an chan a, central theatre chu bomb hmanga tihchhiat ani. Putin Forces loyal ho Chechen special forces tiamin Mariupol leilung hi an rap tawh tih an puang.
