Unnao, Uttar Pradesh a thingtlang mi lo neitu pakhat chuan lei a chawhkhuarna lamah an Hindu Pathian laichhuak angin a insawi a, khaw mipui te chu thiam taka bum kualin chulai hmun a temple sakna tur chuan pawisa an khawn kual a ni.
He thil thlenna hi Unnao a Mahmudpur thingtlang khua ah a nia, dawt hmanga khaw mite bum tu pa Ashok Kumar leh a fapa 2 te hi an chetdan tenawm tak hriatchhuah a nih hnu ah Police in an man nghal bawk.
Police te hnen atanga thudawn in a tarlan dan chuan Ashok Kumar leh a fate hian an lei laihna hmun ah heng Pathian lim te hi laichhuak niin an insawi a, an laihchhuahna hmun chu hmun thianghlim bik ah chhal in Temple sakna tur ang a chhuanlam siam in khaw mite lak atang donation hi an lo khawm heuh heuh alo ni.
Mahsela thu diklo leh dawt chu a thup reng theih loh. Ashok Kumar leh a faten Hindu Pathian laichhuak ang a an insawi ah hian Amazon a delivery agent hnathawk chuan Kumar hnen ah parcel a deliver tih a sawi a, an Pathian lim laichhuak nia an chhal hi an laihchhuah nilovin Amazon ah Rs 169 a an lo lei zawk lek a ni.
An chetdan tenawm tak hriatchhuah a nih hnu hian Kumar leh a fapa te hi thubuai siam sak an ni a, rinna chungchang chhuanlam a diklo tak a pawisa hmuh nan hmag ah puhin an phu tawk hremna pek an ni ang.
