In inneihni ah i kawppui khan i chetchhiatna lai midang hmuh ah pholan sak ta che se la a zahthlak dan tur chu han ngaihtuah chhin teh.
China ram a inneihna ah nupa tuak thar ni mai tur te chu an inneih fel tak tak hma in an inthen leh nghal a, a chhan pawh mo neitu in a nupui chu inneih chhimtu te mit hmuh ah mualpho leh zak chem chem tura a chetsualna a phochhuak vang a ni.
Fujian province a thleng a ni a, mo leh mo neitu te hi dawhsan ah an inneihna hmanpui tu te hma a thusawi turin an ko chhuak a, hetah hian mo neitu hian a nupui hi mipa dang, a unaunu (sister-in-law) pasal nen tenawm taka khawsa a an mu dunlai tape chu a chhuah.
An hnung lama projector lian tak ah chuan monu leh a kawp ruk mipa te khum a an inchhai lai video hi a lang a, Video a rawn chhuah ve leh mo neitu hian a nupui thar tur hnen ah chuan “he i chetdan tenawm hi ka hriat loh i ring em ni?” tiin chaldelh takin a tawngkhum sak sak a ni.
Monu hi zak takin a hmai a sen nghal tih an sawi a, a pangpar ken lai chuan a pasal ni mai tur chu thinrim takin a vawm zui bawk. Boruak duhawm lo takin a chimbuak hnu ah an inneihna hmanpui a tel mi thenkhat te chu dawhsan ah tlanchho nghal in an intibuai tur chu an pawt then.
姐夫门：新郎婚礼现场播放新娘和姐夫啪啪影片😂 pic.twitter.com/wLy8mjWXIy
— ㊙️绿帽社🍀 (@lvmaoshetuite) December 27, 2019
Video hi China short-form video hosting service, Douyin ah phochhuah a nih hnu atang in a lar zui cher cher hle. Mo neitu hian a tih tur dik tak tiin a phuba lak dan chu a that hle thu an sawi a, a nupui nihna dik tak hailang tura rei tak a in up beh tawh a tihhlawhtlin theih tak vang in an lawmpui viau zawk.
New York Post in a tarlan danin video clip hi 2019 khan a viral chiam tawh a, tunhnai lawk ah TikTok ah rawn lar thar leh in mi maktaduai 6 ai a tam en tu a nei a, sang chuang zet in an comment bawk.
