Khawvel ah hian hnam leh sakhua a in ang lo ang in serh leh sang thil tihdan pawh a in ang lo hle. Indonesian tribe pakhat ah chuan nupa tuak thar te chu an inneih hnu ah ni 3 chhung chu inthiarna (toilet) hman khap sak tlat an ni.
Inneih atanga ni 3 chhung nupa tuak thar te washroom hman khapna dan hmang tu hi Tidong community an ni a, he an chin dan hi a hma atang tawh a an lo kalpui dan thin niin innei thar te fiahna chi khat a ni.
Ni 3 chhung hian puithu taka an serh inkhuahkhirhna siam hi bawhchhia in an paltlang lo a nih chuan an nupa hian vanduaina hmachhawn turah an ngai a, inthen na a nih loh vek chuan in rinawmlohsanna leh an fa kum naupang taka chan mai theihna a thlen thei tih chu an ring nghet hmiah.
Hemi hun chhung hian chik leh uluk taka ven thin an ni a, inkhuahkhirhna an zawm famkim em tih thlithlai chu an chhungte mawhphurhna ani. Ei leh in tur tlem thei ang ber chauh an pe a. Ni 3 hnu ah erawh inbual leh inthiarna hman phalsak an ni. An dan siam mak tak hi an paltlang thei a nih erawh chuan an nupa inkar chu nghet leh daihrei tak tur ni ah an ngai thung.
Tidong mite a tlangpuiin lo nei leh thlawhhma ei zawng thin an nia, Indonesia leh Malaysia border inkar north-eastern region of Borneo ah an cheng. An dan siam leh puithu taka an serhna hi awlsam te a lang thil harsa tak tur chu a tling ani.
