Naupang te hi an tet te atanga nu leh pa te kaihhruai leh enthlithlai an mamawh a, kawngdik a hruai an nih phawt chuan thanlen puiin an puitlin hnu thleng pawh in thlah tawh ngai lo.
China ram a nupa tuak khat in an fapa chunga hremna an lek dan hian mitam tak ngaihdan in ang lo tak tak a rawn neih tir a, Internet ah pawh chai zui leh zeldin pawh a hlawh phah hle.
An fapa kum la naupang tak tih hriat chu TV en a peih lutuk vanga hrem in zankhua in TV an en luih tir niin an tarlang. SCMP in a sawidan in Hunan Province, central China a thil thleng a ni. Mipa naupang hi kum 8 lek a upa a ni nghe nghe.
A nu leh pa te hian in atanga an chhuansan dawn ah a zirlai neih te zir turin an hrilh a, a homework te a tihzawh hnu ah dar 8:30 ah chuan khum ah mu tawh turin an hrilh a ni. Mahse an thusawi ang chuan an fapa hi awm lovin a homework pawh a ti zo duh lo a, chu aiah chuan TV alo en zawk a ni.
A nu leh pa te lo thlen hnu ah khum lam a pan vat a, an thusawi ang reng renga a awm duh lo chuan a nu leh pa ti thinur in a nu chuan mu tura a kal chu pawt letin living room ah a thut tir a,TV chhuah in zankhua a en turin a hrem.
Zing dar 5 thleng chu khum a mut phal lovin heti hian hremna a lek tih an sawi. Mipa naupang hian a tirah chuan tuar thei mahse a hnu ah a tap hial. An fapa an hremna chungchang thu ah hian inhnialna a tam phah hle a, a then in nakin leh zela a chin zui loh nan a tha tih sawiin midang te chuan naupang mai tawrh atan chuan a hremna chu a hleihluak mah mah a ni tiin an sawisel bawk.
