Cristiano Ronaldo leh a kawppui Georgina Rodriguez ten Thawhtan zan khan an fa phir zinga pakhat zawk a boral thu lungchhe taka an puan hnu ah fans tam takin an sunpui a, Ronaldo pawh in a fa thihna vangin Liverpool nen an inkhelh tumah pawh a inlan loh phah ani.
Liverpool ten Anfield ah Man United te an lo mikhual a. Hetah hian an fapa thihna vanga lusun mek tu Ronaldo chu Anfield supporters ten an tawrhpuizia an tilang.
Liverpool leh United fans te hian Minute 7 chhung Ronaldo tawrhpuina an tilang a. Kut beng a zai in ‘You’ll Never Walk Alone’ tiin Ronaldo leh a chhungte hi an fapa thihna ah chhel taka awm turin an hnem ani.
Club pahnih in hal leh in el em em na karah hetia Ronaldo tawrhpuina Liverpool fans ten an tilang hi hmuh a nuam hle a. Liverpool fans te chungah Ronaldo chhungten lawmthu an hrilh hial bawk.
Ronaldo unaunu Madeira a mi Elma chuan fans te video footage hi phochhuak in “Liverpool te chungah lawmthu ka sawi e. Vawiin a in thiltih hi kan theihnghilh ngai tawh lovang” tiin a sawi.
Liverpool boss Jurgen Klopp pawhin minute 7 chhunga thil thleng leh fans te chet dan chu mawi leh class tak a nih thu a sawi a, football aia thil pawimawh zawk tam tak a awm a, match a hun pawimawh lai tak ani tiin Ronaldo leh a chhungte a tawrhpui zia a sawi ve bawk ani.
