Johnny Depp nen an inkhinna ah chaklo zawk ah rorel tu ten an puang a, mitam tak ngei leh huat rawn ala hlawh mek laiin Amber Heard chu American television network NBC’s ‘Today’ show ah a inlan.
Today Show a inlan hi intihhmingchhiatna chungchang trial an neih hnu a Amber in vantlang hma ah Interview a neih leh hmasak berna ani a, Savannah Guthrie nen an inkawm a, hetah hian thutlukna puan ah a lungdam loh zia hriat theih ani.
Interview neih sak tu Savannah Guthrie chuan an inkhinna ah jury ten finfiahna a neih ang tarlan te hmu a, a testimony te an ngaihthlak sak hnu ah pawh ring lovin thiam loh an chantir tho si a, dawt sawi ah an ngai em ni tia a zawhna chu Amber hian chawlhkar 3 chhung zet a rei pawisa hlawha rawih ‘paid employees’ leh Depp witness tu tih hriat loh atang te in testimony an ngaihthla a, heta tang hian thu tawp siam ani a ti.
#AmberHeard shares with @savannahguthrie that she doesn’t blame the jury: “I don’t blame them. I actually understand. He's a beloved character and people feel they know him. He's a fantastic actor." pic.twitter.com/rjWY629MkG
— TODAY (@TODAYshow) June 13, 2022
Savannah Guthrie hian an buaina a jury ten thutlukna an siam dan ah hian roreltu te a dem em tih a zawh leh chuan Amber chuan Depp lam awn a chak tir a nih vang in rorel tu Jury te chu a dem hran loh thu a hrilh a, Johnny Depp chu lemchan thiam tak a ni a, hnehtu zawk anih dan chu a hriatthiam hle thu a sawi bawk.
Hetih rual hian Amber hian an inkhin chhung zawng a Social Media ah huatna leh diriamna nasa tak tawk a, Depp tantu a fans tam tak in misual ber ang a an chhuah vangin a lungawi loh thu a sawi a, an trial chu fair tawk lo a tih thu Interview ah hian a sawichhuak.
Mahsela heng huatna leh diriamna bakah a chungchang fiamthu thawh nan a an hman te vang hian Amber chuan midang in amah anlo ngaihdan leh hmuh dan turah engmah pawi tihna a neilo a, inthiamlohna leh inhuatna a neih loh thu a hrilh.
.@savannahguthrie sat down for an exclusive conversation with #AmberHeard. "You cannot tell me that you think that this has been fair,” Heard shared, in reference to social media representation. pic.twitter.com/56Ju7pYg1x
— TODAY (@TODAYshow) June 13, 2022
Chawlhkar 2 liam ta khan Jury ten Amber hi a pasal a puh hmingchhiatna ah thiam loh an chan tir a, Johnny Depp hnen ah hian a puh hmingchhiat vangin zangnadawm nan $10.35m pe tura tih a ni. Amber pawh Depp a khin letna pakhat zawk ah hnehna chang ve bawk in Depp chu Amber hnen ah $2m pe ve turin court chuan an inkar buaina ah hian thutawp a siam.
