Johnny Depp leh a nupui hlui Amber Heard te chu Virginia Court ah an inkar buaina chungchang vangin an inkhing mek a. Court ah hian finfiahna hrang hrang tihlan ni tawh in Johnny Depp ngei pawh puhna a dawn ah thusawina hun a nei.
Amber leh Depp te trial chungchang ah khawi zawk nge dik a tunge thiam lo zawk tih pawh ngaihdan siam thiam a har hle a. Hetih lai mek in Model leh Alec Baldwin fanu, Ireland Baldwin chuan defamation trial ah a ngaihdan auchhuahpuiin Johnny Depp an thiam a chan theih nan a lam a ṭan thu a puang.
Ireland chuan a Instagram ah Court chhunga Johnny Depp an Amber in kut a thlak ngei tih a in puanna audio clip chhuah a ngaihthlak lai chu a dah a. Amber hian a hmeichhe nihna chu hmang tangkaiin tuartu zawk angin a insawi a, dik lo takin Depp hi a puh hmingchhiat thu a sawi.
Amber hi hmeichhe rapthlak leh nasa tak ani a ti bawk a. Society a kan chen ho na ah hei hi hmeichhe thenkhat ten remchang ah la in mipa te ai a awm nemzawk an nihna chu an hmang tangkai ta thin. A chhhan chu mipa te hi thiamlo zawk leh a sual zawk anga ngaih an nih thin vang ani a ti bawk.
Depp hian thiam a chan ngei theih na turin duhsakna sangber a hlan a, Mipa te pawh hi tuar tu zawk an ni ve thei tho a ti a. “Johnny Depp hian a hmingthatna leh a nun pangngai kha nei let leh ngei turin ka beisei pui ani” tiin a sawi.
Depp hian kar kalta mai khan Court ah Amber in kutthlak leh sawisa thin ang a a puhna ah a pha a, an nupa kara thil thleng dik tak leh a tawrhna hrang hrang te a sawichhuak tel bawk.
