Hollywood nupa lar tak te inthenna thubuai chuan zual lam a pan chho telh telh zel a. Court ah finfiahna hrang hrang thil tam tak hailan in a awm tawh ani.
Kum 36 a upa ‘Aquaman’ actress hi a pasal hlui Johnny Depp nen dan leh hrai hmanga an inkhinna ah hian chan chhe zawk ah ding thei mek a ni tih an sawi.
Fairfax, Virginia court a a inlanna ah Amber Heard hi a dawt sawi hailan sak a ni a, kum 2016 a Johnny Depp nen an inthen khan Depp lak atanga pawisa a dawn $7 Million chu charity te hnen ah engmah hlep then lova a pek vek tur thu UK High Court ah sawiin thu alo delhkilh tawh.
Amaherawh chu Amber hian pawisa pe tura a insawi hi eng pawl ah mah alo la pe reng reng lo a, dawt hmanga chhe chhamna a ni tiin legal experts te chuan Amber hi thubuai awrh thei reng a ni tih an tarlang.
Report atanga a landan in Depp laka a pawisa $7 Million a hmuh hi Children’s Hospital Los Angeles leh American Civil Liberties Union (ACLU) ah te a in zatin pe tur a ni a, mahse tun thleng in a dawng tu tur te hian an la hmu lo.
Amber Heard erawh chuan Court hnen ah tanpuina sum hi pek a tum reng a, a thutiam hi tih hlawhtlin ngei a tum tih a hrilh. Charity a pawisa a pek loh chhan ah hian a pasal Johnny Depp chu a puh leh bawk a. March 2019 a Johnny Depp an $50 Million hmanga khinna a thehluh vangin a la pe thei lo ati.
Court ah pawl pahnih te hnen ah hian $3.5 million ve ve a pek leh pek loh zawhna an zawh chuan “Ka la pe lo. A chhan chu Johnny a’n min khin vang a ni” tiin Amber Heard hian chhanna pe.
Trial an neih ah hian Court chhung ah Johnny Depp hian Amber hi a mit sir pawh in a en duh miah lo bawk a, lawyer in a chhan a sawi chuan Depp hian a hma in Amber hnen ah vawite khat mah a mita a en leh ngai tawh loh tur thu alo hrilh tawh ani.
