Tunlai khawvel ah chuan nunphung pangngai bak a danglam taka awm tum an lo chhuak chho zel a nih ber hi. Nupui pasal atan pawh in thenkhat chuan midang kher an thlang tawh lo a, mahni inhmangaihna chu thil tha zawk nia ngai tu an awm.
February thla liam ta khan hmeichhe pakhat Sofi Maure hian internet-a post a siamah chuan inneih kawrfual var nen a a thlalak tarchhuak in, amah leh amah chu a innei dawn tih a sawi.
Kum 25 a upa Influencer hian Instagram leh Twitter ah te 500k aia tam Followers a nei a, mahni a a inneih tur thu a puan rual hian a mo kawr tur a lei thu leh he ni hriatrengna atan cake a siam thu a sawi bawk.
Hetia mahni leh mahni a inneih hnu hian, a inhmangaihna chu a duh dan ang tak in a hmang tih a sawi a, mahse darkar 24 a liam hnu ah chuan inthen leh mai a duh tih a followers te a rawn hriattir leh nghal.
Online a mite chuan Sofi awmdan ah ngaihdan hrang hrang an lo siam nghal a. Ṭhenkhatin a hmalakna hi an thlawp laiin, ṭhenkhat chuan ngaihven hlawh tura tihchawp vek niin an ngai. Sofi hian a thutlukna hrethiam leh thlawptu, a hnungzuitu tam tak aṭangin thlawpna dawng mah se, ni khat a inneih hnu lawkah inthen tura thutlukna a siam thu hi a sawi.
Sofi chuan a zuitu te hnen ah ‘ni khat chu keimah ka innei a, mahse tunah chuan ka thei tawh lo. Inthenna chungchang lam ka ngaihtuah mek’ a ti. Online-a midangte chuan he thu hi an hriat chuan mak an ti hle a, mi tam tak erawh chuan thil awmdan chu an nuihzat mai mai thung.
He influencer chungchanga ngaihtuahna sengtu te chuan a rilru lam harsatnate chu enfiah a, therapist hmu turin an fuih hlawm a, a then te erawh in m ngaihven hlawh a duh vanga thil atthlak a tih mai mai an tihsak thung.
