Netflix series ‘All of Us Are Dead’ atanga mite ngaihven hlawh chho em em kum 22 leka upa Park Solomon chuan fans ten a mimal chungchang an hriat chak em em te chu Interview ah a sawichhuak.
‘All of Us Are Dead’ ah Lomon hian Lee Soo Hyuk ang a changin a classmate te chu zombie virus lak atangin chhanhim dan a ngaihtuah. Heti khawpa an Series in mite ngainat a hlawh ah hian lawm thu a sawi bawk.
“Khawvel pum ah he series ngaina tu mi heti zat zet an awm vang hian ka lawm a, keimah ngei pawh zan khat thil thu lekah ka dinhmun a inthlak ani, min ngaina tu tam tak ka tawng a, rin pawh harsa ka la ti hle. Nitin mai hian ka lawmna hi a thar zel a, acting lama taima taka thawk tur leh hmasawn na hmu ngei turin min ti phur a, theihtawp chhuah ka tum bawk ani” a ti.
Lomon chuan a danglamna chungchang sawiin multiculture atanga rawn seilian a nih thu a hrilh a, Korean mi leh sa ngei a ni tih a puang bawk. Uzbekistan ah piangin Koryeo mi a ni. Soviet State a cheng Koryeo hi Korean mi leh sa tiin nemngheh an ni . “Korea ah ka seilian a, elementary school, middle school leh high school te pawh Korea ah ka zawm. Mahsela multicultural family atanga chhuak ka nih avangin ka danglam in ka in hre thin” tiin a sawi.
Lomon hi “All of us are dead” release a nih hnu hian acting lama a career pawh sang takah a invawrh phah a, Shin Ye Eun nen project thar ah thawkdunin drama thar ‘Third Person Plural’ ah an chang leh dawn ani.
