India ram ah hian hnam inhmuhsitna bakah vun rawng vanga inhmuhsitna hi a thleng ngun hle a, mo neitu tur chhungkua ten an fapa te nupui atan pawh vun thim lam aiin ngo lam chu an duh pui zawk nge nge thin.
Vung rawng vanga inhmuhsitna hian rilru ah nasa takin hliam pui a thlen thei a, chumi tichiang turin Chattisgarh a nupa tuak khat inkar ah thil rapthlak tak a thleng a ni.
Chhattisgarh’s Durg district a Amleshwar thingtlang khua ah hmeichhia kum 30 a upa chu a pasal in a vun rawng thim tia hmusit taka alo tawngkhum vangin a thinrim tuar lovin hrei in a chek hlum tih an sawi. Hei bakah a serh/zahmawh a tansak bawk.
Thawhtanni khan Sangeeta Sonwani hi a pasal Anant Sonwani (kum 40) thah chungchang ah Police in an man nghal tih Devansh Rathore, sub-divisional officer of police (Patan area) chuan a sawi a ni.
Thubuai intanna chhui chianna atanga a landan in Anant Sonwani hian a vun rawng chungchang a a nupui a hmuhsitna hi a tihlan vawikhatna mai a ni tawh lo a, a hma pawh in tawngkam ngaihthlak nuam lo deuh deuh a chhakchhuak fo thin. Hemi chungchangah pawh hian an inhnial phah fo bawk.
Sangeeta Sonwani hian a pasal in a vun rawnga a hmuhsit zia a tilang fo chu tuar thei ngang tawh lovin hriam hrei hmang in a bei zui ta a ni. A tirah chuan khaw mite hnen ah dawt sawiin a pasal chu tu tih hriat lovin a that a ti a, mahse a hnu ah a ma thah ngei tih a inpuang.
Sangeeta Sonwani hi section 302 hmangin tualthah thubuai awh tir nghal a ni a, thil thleng hi chiang zawk a chhui mek zel a ni bawk.
