Goi nia Goi s, Brazil a Tattoo artist, fa pakhat nei mek tawh Raven Moreira, 26 hian a taksa pum deuh thaw ah Tattoo a chhu kai a, a tattoo chhut vang hian midang ten amah an hmuhdan leh ngaihdan a danglam nasat thu a sawichhuak.
Raven Moreira hian a taksa 70% zet chu tattoo hi a chhut tir. Tattoo chuan amah ah inrintawkna a siam tih a sawi a, a taksa a khawih danglamna ah hian pawisa tam tak seng tawhin £12,000 a hmang tih a sawi ani.
Inrintawkna siam sak tu ni mahse lo thlirtu midang te chuan an lo ngaihdan a phir nasat thu a puang a. Thenkhat in a mawina a tihchhiat vek zawk thu an hrilh thin. Hei vang hian mite lungten rawn a hlawh tih a sawi. Mi thenkhat erawh chuan a landan a thlak danglam nasat avang hian an duh phah hlauh zawk a, nupui a neih hial an duh thu a sawi tel bawk.
Kum 18 a nih ah a tattoo hmasa ber a nei a, a taksa a thlak danglamna ah hian mit rawng thlak eye colouring bakah a lei (tongue) chu a then hran tir bawk ani.
A hma chuan mi zakzum leh midang bul a tawng tha ngamlo thin a ni a, mahse a taksa landan a thlak hnu hian inrintawkna a neih phah sawt a, midang te lo ngaihdan ah a buai tawh loh thu a sawi bawk.
A chhungte pawh in a duhthlanna kawng ah hian an hnial hran lem lo, an thlawp zawk thu a sawi. Amah sawisel tu te avang a tawp san mai lovin Raven chuan a taksa ah tattoo dang pawh chhut tir zel ala tum thu a puang tel nghal bawk ani.
