Bollywood star, Ranveer Singh chu tunhnai lawka Paper Magazine tana a saruak thlalak Social Media kaltlanga a post darh hnu ah buaina a tawk.
He thlalak vang hian Ranveer Singh lakah Mumbai Police ten FIR an ziaklut tih an puang a, IPC Sections 292, 294 leh 509 hmang ten thubuai hi siam sak a ni a, hmeichhia te zahawmna thleng a hmuhsitna leh an rilru hliam theih a nih vang te , Indian Culture tih bawrhban leh kum naupang zawk te hruaisualna kawng a hmalakna lian tak ah puh a ni.
FIR thehlut tu hi kum 50 a upa Mumbai mi Lalit Tekchandani a nia, NGO pakhat Shyam Mangaram foundation aiawh a inlan in Chembur Police Station ah FIR hi an ziaklut.
Lalit Tekchandani chuan Ranveer thil hnuchhiah hi tha lo tawpkhawk a ni. Mipa leh hmeichhia ve ve te tan pawh in a zahthlak ngawih ngawih. Hetiang lam hawi reng reng hi nasa takin kan do tur a ni a, thubuai siam a FIR kan thehluh chhan pawh a ni a ti.
Ranveer hian Instagram ah maktaduai 40 vel zet zuitu a nei tawh a, follow tu zingah hian kum naupang te te pawh an awm. Heng ang thil bawlhhlawh ai chuan Society tan hmasawn theih tur thil tha leh chhenfakawm zawk ti rawh se tiin News Agency kaltlangin a hrilh.
Advocate dang Akhilesh Choubey pawh in a fans zinga kum la naupang tak tak te tan Ranveer thlalak hian an rilru ah thil tha lo zawk a tuhsak thei niin a sawi a, Mumbai Police ten case an register vangin a lawmzia a sawi.
Tekchandhi leh Choubey te chuan Ranveer hian a thlalak hmang hian sum eng emaw zat a lalut a ni an ti bawk a, hurherhna lam rawngkai hi India ah khap a ni tih pawh a hriatchian hle an ring. He photo shoot pawh hi chumi huang ah chuan rinluh theih a ni tih an sawi. Hmalak leh bawhzui a awm lawk lo a nih chuan a tul leh Commissioner of Mumbai thleng in an kalpui dawn tih an puang a ni.
