Pakistani-American hmeichhe pakhat chuan a pasal nen an inthenna chungchang chu Social Media platform ah a tarlang fo thin tih hriat a ni a, hei vang hian a nunna hial in a tawrh phah a ni.
BBC in a tarlan danin Sania Khan hi Chicago ah a cheng a, a pasal then tak Rahel Ahmad hian Sania in an inthen chungchang Tiktok ah a tarlag a ni tih a hriat hnu ah Georgia atangin 700 miles ai a thui Sania chenna hmun Chicago ah a va kalchilh a, silaiin a kaphlum hmiah.
Chicago Sun-Times chuan Ahmed chhungte hian a bo thu thlen in Alpharetta, Georgia a Police te an pun a, Alpharetta police te hian Chicago Police te an be pawp ve leh a ni. July 18 khan Sania Khan chenna ah an va thlen chuan engmah hrelo in an lo let reng tawh.
Ahmad hian Sania hi silai in a kap phawt a, a hnu ah amah pawh a inkap zui leh a ni. Sania hi a hmun ah a boral nghal a, Ahmad erawh damdawiin panpui niin a hnu ah a boral a ni. Hmuh an nih hian Ahmad hian a kutah silai hi alo la hum bawk. Cook County Coroner pawh in Sania hi thah a nih thu leh Ahmed hi mahni intihlum ngei a ni tih an finfiah.
An pahnih hian kum 5 chhung zet an inngaihzawn hnu ah June 2021 khan an innei a, an mahni hrechiang deuh tu te chuan an inthenna hi an tihfelna pawh ala rei loh viau thu an sawi. Sania hian an Ahmad nen an inkar hi lungchhiatthlak leh vanduaina zawnga sawi in, a chhung ten inthen an phallo chung a kal tlangpui thu te a lo sawi a, hei hian rah duhawmlo tak thil hi a hringchhuah phah ta a ni.
