Uttar Pradesh a Maharajganj district ah nupa tuak thar te chu an inneihna atang in ni tam pawh ala liam lo tih ah pasal chuan a nupui thar in a lak ah thuruk liam tham tak a zep tih a hrechhuak.
India Today in a tarlan dan in nupa tuak thar te hi thla khat leh a chan ve zen zawn chauh an la innei. A nupui hi a hriselna ah insawiselna a nei a, a pum nuam lo vangin a pasal chhung te zinga mi in damdawi lam thiam te endik tirin sonography ti turin a hruai.
Sonography ah chuan a pum nawmsan loh chhan dik tak chu chiang tak in a langchhuak. Thla 4 laia upa naute alo pai reng mai a, an inneihna la reiloh ngaihtuah in a naupai chu a upa tawh hle. A pasal thinrim in Police hnen ah zualko in thubuai a thehlut ani.
A pasal hian khua a chhungte kaltlang in a nupui nen hian an innei tih a sawi. Thuruk lian tak mai an lak ah an zep vangin a nupui leh a chhungte hi inbumna hmangin a khing a, nau a pai tih hi hre rengin thudik chu an thup tlat tiin Police te a hrilh bawk.
He thil thleng ah hian Kolhui SHO, Abhishek Singh chuan Police ten chhuichian hna thawk in investigation neih mek a ni tih a sawi.
