/

A kawppui nen mipat hmeichhiatna an hman laiin nikhawhrelo a awmin a boral

Pa pakhat kum 61 a upa chu a kawppui hmeichhia nen nupa nun/mipat hmeichhiatna an hman laiin a chau thut a, nikhawhrelo a awm zuiin a nunna chhan theih loh a a boral thu hriat a ni.

Times Of India in a tarlan danin thil thlen hun hi Thawhtan zing khan a ni a, Kurla a hotel pakhat ah ani. Hotel room ah hian a kawppui kum 40 mi nen hun an hmang.

Hetia thil duhawm lo tak a thlen hnu ah hmeichhia hian an thlenna hotel reception te chu be pawp nghal in, nikhawhrelo a a awm thu leh biak harh theih a nih loh thu a hrilh. Hotel staff ten an theih ang ang in an buaipui a, Police te ko in damdawiin panpui a nih laiin a boral ta ani.

A thihchhan hi chiang taka hriat theih ala nilo a, chhui mek zel ani bawk. Hotel a a awmpui leh inpawlna a neihpui hmeichhia hi Kurla police station ah thu zawhfiah turin koh a ni a, Police te hnena a sawi dan in a kawppui hi Worli a cheng a nia private firm ah a thawk. Inpawlna neih laiin zu in a tum chu nikhawhrelo in a tlu zui mai ani ati.

Kurla police te chuan Accidental Death Report in case an ziaklut a, medical report chhuah hun ah chauh a thihchhan kimchang hi hriat theih a nih tur thu an puang.

Leave a Reply

Your email address will not be published.