Rinawmna hlut zia a langchiang khawp mai. Chennai-based lam Indian software-as-a-service company, Kissflow Inc chuan a hnathawk mi 5 te hnen ah cheng vaibelchhekhat man hu zet BMW Car a pe tih hriat ani.
IT firm hian senior management executives te hnen ah hian an hnathawhna ah tha taka thawk a company tana an rinawm em vangin lawmman atan heng BMW car te hi an pe tih an sawi.
Kissflow lam hian an hnathawk te hi thawng thut an duh vangin thilpek an hlanna hi a ruk thei ang ber in an buatsaih sak a, ANI in a tarlan dan chuan BMW car dawng tur mi 5 te hi an kuta chahbi an hlan fel hma lawk ah bak hrilh hriat an nilo ani.
Kissflow Inc CEO Suresh Sambandam chuan heng a hnathawk mi 5 te hian company bul tan tirh atangin theihtawp an chhuah a, a nuam ah leh hrehawm karah pawh an rinawm tlat ani. Hetiang khawp a an company tan a mi hlu te hi an laka lawmthu sawi let ngei a ngai tih hria in Car manto hi a leisak ta ani.
Car dawngtu mi vanneih te hi Sambandam chuan chapo hlek lo leh mi inngaitlawm tak tak vek an nih thu a sawi tel bawk a, hripui leng vanga nunphung a khaihlak lai in company chuan harsatna a tawk a, ngai a awh leh theih pawh investor tam tak chuan an beisei lo hman hial. Mahse tunah chuan an Company hian tha leh zung nasa tak seng tu te zarah Company chu tluang takin a kalchho tawh.
Sambandam chuan hnathawk te enkawl a duat chu an tih tur ve reng a ni a ti a, he an thil tih hian hnathawk tu dang te ah pawh an hnathawh ah chona leh phurna nasa zawk a pek phah thei dawn tih a sawi.
