Hmangaihna vangin eng chen chiah a thui nge kal i huam ve. Bangladesh hmeichhe pakhat chuan a hmangaih tak mipa a neih theih nan an ram chhuahsan in zinkawng hlauhawm tak a paltlang a, India ram thleng tui a hleuh thleng zak mai.
He hmeichhia kum 22 a upa hi a hming Krishna Mandal a ni. A bialpa Abhik Mandal nen hian Facebook kaltlang a intawng in an in hmangaih a, Krishna hian India zin turin passport a nei si lo. Dan lo ang tak a tui hleuh in ramri kan a thlang ta zawk.
Krishna hian a tirah Sundarbans thlengin hei hi Royal Bengal Tigers tia hriat a ni bawk a. Darkar 1 dawn tui a hleuh hnu ah chuan a tum ram a thleng thei ta hram ani.
A mipa hmangaih Abhik nen chuan an intawng ta ngei a, ni 3 liam ta khan Kolkata a Kalighat Temple ah an innei. Mahse Thawhtanni khan Krishna hi dan phal loh a ramri a kan vangin man ani tih hriat a ni a, an ram a let leh thawn haw turin Bangladesh High Commission ah hlan a nih thu an tarlang bawk.
Tun hi vawikhat thlenna mai a ni tawh lo. Kum liam ta pawh khan Bangladesh rawlthar pakhat chuan a chocolate ngainat tak lei tura ramri kan in dan kalh in India ram a lut tawh ani.
