Chhattisgarh’s Surguja district a thingtlang khua Amdala village a cheng Ishwar Das chuan a fanu ruang a koki a pu chunga an khua a hawpui lai video chu nasa takin a viral.
Ishwar Das hian a fanu damlo kum 7 a upa Surekha chu Zirtawpni liam ta khan Lakhanpur Community Health Centre ah enkawlna dawng turin a hruai a, mahsela vanduaithlak takin a fanu Surekha-i hian enkawlna pek a nih laiin a natna tuar zolovin a boral tih an sawi.
A fanu ruang phurh sakna tur lirthei pawh hmang lovin Ishwar Das hian a koki ah a fanu hi a pu a, ke in an chenna 10kms zeta hla chu a panpui ani.
Thingtlang pa khawngaihthlak tak mai in a fanu ruang a pu haw lai video hi record in a viral leh tak hnu ah ngaihven a hlawh thar.
He thil thlen hma lawk kar kalta mai khan Odisha a Rayagada district ah a lo thleng tawh a, pa pakhat Suradhar Benia tia tarlan chuan a fapa ruang phurhna tur lirthei a hman zawh loh vangin a koki in an in lamah a lo pu haw bawk.
Chhattisgarh lama a thleng zui ve leh nghal zat hian sawi a hlawh zual a. Chhattisgarh health minister TS Singh Deo chuan thuneitu te hnen ah he thil thleng hi rang taka chhuichiang nghal thuai turin thupek a chhuah.
Surguja: Chhattisgarh Health Min TS Singh Deo orders probe after video of a man carrying body of his daughter on his shoulders went viral
Concerned health official from Lakhanpur should have made the father understand to wait for hearse instead of letting him go, Deo said(25.3) pic.twitter.com/aN5li1PsCm
— ANI MP/CG/Rajasthan (@ANI_MP_CG_RJ) March 26, 2022
Lakhanpur Community Health Centre a doctor, Dr Vinod Bhargav, Rural Medical Assistant (RMA) chuan Das leh a chhungte hian ruang phur tur lirthei lo thlen hun nghak duh lovin a fanu hi damdawiin atang hian a hruaichhuah thu a sawi thung a ni.
