India ram Uttar Pradesh ah nu pakhat chuan a fanu kum 14 a upa pawngsual tumtu a bialpa chu beilet in a fanu chhan nan a serh a tan sak tih hriat a ni.
Kum 36 a upa hi a hnathawhna hmun atang a in lama a hawn chuan a bialpa in a fanu chung a tenawm taka chetlak a tum lai hi a va phawk a, a lak atanga a fanu chhan a han tum chuan a bialpa hian awlsam tak a thlah duh bik mai lovin amah ngei pawh chu khawih alo tum tih an sawi.
Hmangaih taka alo khawsak pui in a fanu chu a fa ang pawh a en lova a chungah rilru tenawm tak alo put ruk reng na chuan nasa takin a ti thin ur hle a, choka lam ah rang taka tlan in chemte a chuh a, zirtirna pe in a bialpa kum 32 a upa serh hi a tan sak ta a ni.
Nilaini liam ta mai a thleng kha a ni a, Mahevaganj area of Lakhimpur Kheri ah a ni. A fanu chhan nan a a chet lak dan chungchang Times Of India a hrilh dan in farm a hna a thawhlai a ni a, hna atanga a haw chu a hun tak ah a va thleng hman hram a ni a ti a, a bialpa chunga a thil tih ah hian inchhirna a neih loh thu a sawi bawk.
A bialpa nen hian kum 2 lai an awmdun tawh a, a pasal hmasa hian zu ngawl a vei a, a chin tha lo tak a nin em vangin a fanu nen an chhuahsan a ni.
Police te chuan a fanu pawngsual tum tu a bialpa hi an man a, kum tling lo khawih a tum vangin thubuai an siam sak. Mahse a serh ah hliam na tak tuarin Lucknow lam ah enkawl rih tur a tih a ni a, a fanu chhan tu hmeichhia hian a thiltih ah hian thubuai a awrhtel ve dawn em tih erawh tarlan a nilo.
