Mi thenkhat in hman sen loh khawp a tam an neih laiin harsa tawk a nitin kawla ni chhuak chhiar a ei chawp tur thawkchhuak an awm bawk a hringnun hi zawng a in ang lo thin khawp mai.
Noida, Uttar Pradesh a cheng hmeichhe pakhat chuan chhungkua in ei leh in tur an nghei loh nan hnathawk in e-rickshaw a khalh a. Hemi rual hian a fapa kum 1 leka upa chu awm bawk in a tlanna a piangah a hruaikual thin a ni.
He hmeichhia hi Chanchal Sharma a ni a, a fapa awrh chunga sum thawkchhuak tura e-rickshaw a khalh lai hi a larpui hle. Zing dar 6:30 AM atangin a inkhalhchhuak tan a, chhun ah a fapa hi hraipuar a bualfai leh in bottle hmangin a hrai thin.
Chanchal hi kum 27 lek a la nia, a nitin hun chu National Institute of Biologicals, Sector 62 leh Labour Chowk, Sector 59 inkar tlan nan a hmang ber a, hna a thawh lai hian a fapa enkawl tu tur a neih loh vangin a hnathawhna ah a hruai ve ta zel a ni.
A pasal nen hian an inthen tawh a, a fapa hi tul puiin a nu kiangah an cheng mek a ni. A nu hi thil zuar in ei a zawng ve tho a, a unaupa lah in lama a awm ngai loh vangin a fapa hi a kaksan thei lo.
Unau hmeichhe dang 3 a nei a, mahse an ni pawh pasal an nei vek tawh a ni. Chanchal hian nikhat ah rickshaw a khalhna atang hian Rs 600-700 te a hlawhchhuak thin a, cheng tam tak ni lo mahse a fapa nena an mamawh leh inchhung khur thil te a phuhruk thei a ni.
Chanchal chuan a unaunu te bul ah pawh a fapa chu dahchhung thei reng mahse a bula hruai zel zawk chu a thlan thu a sawi a, harsat mangan ber lai pawhin a fapa chu chakna thar pe thin tu a ni a ti bawk.
