He chinese pa hian a chhungte tlan bo san in mahni a khawsak a thlang tlat pek a. Eng vanga a chhungte lak atang a in lakhran duh nge a nih tih ah hian zawhna a tam in hriatchian an chak hle ani.
Kum 60 a upa Wei Jianguo hian kum 2008 kal ta khan a nupui nen an inhauh hnu ah Beijing a an chenna in a chhuahsan a, Beijing International Airport ah inbengbel in kum 14 zet chu Airport ah hian hun hmangin a cheng tawh ani.
Beijing Capital International Airport ah hian hun leh ni a hmang thin a, Terminal 2 ah a khawsa. Hnathawh engmah a neilo a, Airport a a awm chhan a sawi chuan chhungten an tihbuai phak loh a a duh dan ang taka awm a duh vang a ni a ti.
China Daily hnen a a hrilhdan chuan an chenna in a let leh chu a duh tawh hauh loh thu a sawi a, an in chhung ah chuan zalenna a neih loh thu a sawi bawk.
A chhung te chuan in ah a cheng chhunzawm ve zel duh a nih chuan zu leh zial a zuk thin te chu bansan vek turin an ti a, mahse a lo chin than zial zuk leh zu in chu a bansan theih ngang si loh vangin thlah ai chuan amah zawk a inthiarfihlim tih a sawi.
Wei Jianguo hian hna engmah a thawk lo a, ei leh mut chu a nitin hun hman dan niin government atang in tanpuina pawisa 1,000 yuan (AU$200) thlatin a dawng thin a, chumi hmang chuan a duh zawng leiin a inchawm ani.
Hetiang a Airport a cheng thin hi Wei Jianguo chauh a ni bik lo. A hma pawhin Iran a mi refugee, Mehran Karimi Nasseri chu Paris Charles de Gaulle a terminal 1 ah kum 18 zet awm in 2006 a damdawiin hruai luh a nih hma thleng in a cheng a. Mehran Karimi Nasseri hi British authorities ten Britain a luh phal lovin French authority ten an lo hnar zui bawk. Mehran Karimi Nasseri behchhan hian 2004 khan film ‘The Terminal’ chu siam a ni nghe nghe.
