Hmangaihna hi zawng rin loh kar hian khawi atang emaw a rawn thleng leh thut zel. Ohio, US a nupa tuak khat te hmangaihna lamtluang zawh dan pawh hi a danglam reuh khawp mai.
Kum 27 a upa Sydney Dean hian a hma in truck driver fapa nen inkawp in an inngaizawng thin a, mahse damchhunga pasal atan a neih erawh alo kawp thin a bialpa pa Paul, 51 a ni thung si a ni.
Sydney Dean leh Paul te hi an kum pawh a inthlau hle a, kum 24 zet an inkarah a tla. Sydney Dean hian a sawidan in a pasal nen hian kum 11 leka upa sixth grade a nih laiin a vawikhat nan an inhmu tih a sawi. Hetih lai hian a fapa nen a an la inzui lai a ni.
Mahse Sydney Dean hi Paul fapa nen hian a hnu ah an inthen ta a, a bialpa hluiin ngaihzawng dang a neihsan leh hnu ah a bialpa hlui pa Paul nen hian inbe zui ta fo in rinloh karah an pahnih ah inngainatna a piangchawp ta mai bawk.
Sydney chuan Paul nen hian hmangaihna ah an luanliam a rin ngai miah loh thu a sawi a, mahse an in hmangaihna ah hian a inchhir hlek loh thu a sawi thung. Kum 16 a nih ah Sydney leh Paul te hi pangngai takin an in date tan a, 2016 ah nupa tak tak ni turin an innei a ni.
An kum inthlau lutuk vang hian mitam tak pawh in an inhmangaihna hi an hriatthiampui loh fo thin thu Sydney hian a sawi. A nu leh pa te ngei atang pawh in Paul hi a tirah a pasal atan an duh pui lo a, a thian te ngei pawh a chan phah hial bawk. Mahse a pasal Paul a hmangaihna chu chhete mahin a tihkiam sak hlek lo a, a nu leh pa te pawh in tunah chuan an hriatthiam hle tawh thu a sawi.
A hma a alo kawp thin Paul fapa nen pawh an inthen hnu ah hian an inkar ah boruak duhawmlo thleng engmah a awm lo a ti a ni.
