Delhi Police te chuan Thawhlehni kal ta khan mipa pakhat, a bialnu that tu nia sawi chu an man a, hepa hian a bialnu hi a thah hnu ah a ruang chu fridge chhungah a dah thukru a ni.
Thil thlenna hi Najafgarh hnaih lawk Delhi’s Mitraon village ah a ni. A hming Sahil Gehlot (kum 24) hian a bialnu Nikki Yadav (kum 22) a thah chhan hi Nikki Yadav hian nupui atan amah chu nei turin a ngen a, mahse a chhungte lam in a nupui tur an lo hmuh sak diam tawh vangin chumi an buaina ah chuan inthahna rapthlak hi a thlen phah.
Thawhlehni zingah Police te chuan thil thleng hi an hriatchhuah thu an sawi. Gehlot hian hmeichhe dang a neih hma lawk in Nikki Yadav hi a that a, roadside eatery nei in Nikki Yadav a thah hnu ah a ruang chu refrigerator ah a dah a, nakin ah ruang chu thenfai hna thawk leh turin a ruahman a ni.
Yadav leh Gehlot hi an inhriatna pawh a rei tawh a, 2018 atangin an inhre tawh. Hripui vanga inkhuahkhirhna kalpui lai pawn an pahnih hian an chengdun nghe nghe. Mahse Gehlot hian Yadav nen an inkar thu hi a chhungte a hrilh lo a, Yadav nen an inkawp reng lai chuan a chhungten a nupui tur an lo hmuh fel sak diam tawh.
Authorities te chuan February 9 ah Gehlot hian hmeichhe dang inhualna a neihpui chu Yadav hian hria in a chhuahchhal a, hemi an buaina kal zel ah chuah rah tha lo hringchhuak in Gehlot chuan a cellphone data cable hmangin a rek hlum a ni.
Yadav a thah fel hnu leh a ruang te a dah that hnu hian Jhajjar ah nupui nei turin a kal leh. Gehlot nupui neih atangin Yadav hi chin hriat loh in a awm tih Police ten thu an dawng a, Gehlot hi thu zawhfiah tura ko in Police hma ah Yadav a thah dan hi a puang ta vek. Police ten man in a lakah thubuai an siam sak nghal.
He inthah na hi nikum a hmeichhe pakhat Shraddha Walkar chunga thleng nen a in ang hle a, Shraddha Walkar hi a kawppui Aftab Poonawala chuan rawng taka that in a ruang a chan darh hnu ah hmun hrang hrang ah kalpui in a paih a ni.
