Bulgarian pitar pakhat, hma hun a thil lo thleng tur tam tak lo sawilawk tu Baba Vanga hi khawvel in a ngaihven a, a thusawi tam tak a thlendik tawh vang ten bengkhawn a hlawh zual hle a ni.
Baba Vanga, a hming tak Vangeliya Pandeva Gushterova hian hrilhlawkna alo neih ah kum 2022 a khawvel a thil thleng tur a sawi te chu pahnih lai a thlengdik tawh a ni tih chik mite chuan an sawi.
Baba Vanga hrilhlawkna thleng dik ah hian Asian hmun hrang hrang leh Australia chu tuilian in a tihbuai tur thu a puang a, a thusawi hi a dik ngei bawk a, kumin ah Asia hmun hrang hrang ten ruahtui tam tak dawngin tuilian vangin harsatna an tawk a, Bangladesh bakah north-eastern parts of India leh Thailand ten tuilian hi an tuar na zual hle.
Hei bakah hian Baba Vanga chuan tuilian vanga hmun thenkhat an buai mup mup laiin tui tlakchhamna leh khawkheng tuar an awm tur thu a hrilh lawk a. Europe chuan hei hi tawng in Portugal in an ram mipui te tui hman tur chin an intuk hial. Italy in 1950s hnu ah khawkheng na ber an tuar bawk.
2022 a thilthleng tur a hrilhlawk zingah Siberia atangin virus chi thar hlauhawm tak hmuhchhuah a nih tur thu te alien invasion leh khaukhuap a puang tur thu te a sawilawk.
Mitam tak chuan Baba Vanga hrilhlawkna hi an ring nghet hmiah a, mahse a sawi zawng zawng hi a vai chuan a thleng dik vek bik lo. 1911 ah piangin kum 12 a nih ah thlipui na takin nuaiin a mit in khua a hmu thei lo zuia heta tang hian hma hun thleng tur hmuhlawk theihna mak tak hi nei in a inchhal. A hrilhlawkna hi 5079 thleng awh tur angin tarlan a ni.
